ЦIумада районалдаса ВатIан ЦIунизе ана кIиазаргоялдаса ЦIикIкIун чи. Гьездаса 670 чи тIад вуссинчIо. Къо бахъанагIан мигьлъулел руго тIад руссаразулги кьерал. ЧIаго ругез жидехъа бажарараб гIахьаллъи гьабулеб буго обществоялъе пайдаяб хIалтIулъ. Гьединаздаса цояв ккола тIасияб Гьаквари росулъа КIудияб ВатIанияб рагIул гIахьалчи ХIажи МуртазагIалиев.
- Дида кидаго ракIалдаса унаро Сталинградалдаги, Курскиялдаги, Орловалдаги РукIарал рагьал. - Дие рагъ лъугIана Кенигсберг шагьаралда, - ян бицуна гьес.

Рагьда бихьизабураб гьунаралъе гIоло ХIажие кьуна "Багьадурлъиялдъе гIоло" медаль, "БагIараб цIва" орден ва цогидалги медалал.

1946 соналда рагъдаса тIадвуссун хадув ХIажи хIалтIана жиндирго росулъ колхозалъул бухгалтерлъун, председательлъун, райцентралде Агъваливе вачIараб мехалъ къогоялде гIагарун соназ гьев хIалтIана райпоялъул складалъул заведующийлъун.

ГIумруялъул гьудул ПатIиматицагун цадахъ гьез гIезавуна ункъо вас ва цо яс. Васаз тIаса бищана офицерасул нух. Бищун КIудияв МуртазагIали ФСбялъул полковник ккола. Гьес гIахьаллъи гьабуна Афгъанистаналда букIараб рагъулъ, хадусев МухIамад ккола медицинаялъул хъулухъалъул запасалда вугев капитан, лъабабилев вас ГIалибегица нухмалъи гьабулеб буго мадугьалихъ бугеб Болъихъ районалъул рагъулаб комиссариаталъе. Дагьаб цебе гьесие кьуна подполковникасул чин. Бищун ГьитIинав подполкрвник ИсмагIил ккола Азербайжаналъулгун нилъер гIорхъаби цIунулезул начальникасул заместитель. Яс ПатIимат хIалтIулей йиго гIагараб росулъ учительницалъун,
Исана ХIажил тIубала 80 сон. ТалихI, рохел ва щулияб сахлъи гьесие.

Газета "ХIакъикъат" 1 август 1996с. Закаряев М.