ГьещтIолел гулбигун белеб гIарада,
ГIазабалда руго дир мугIрул жакъа.
Кавказ, дур халкълъе къваригIараб щиб,
Щай гьез кьал ахIулеб жидедаго гъорлъ.

Риххулел росаби, чIвалел гIадамал,
ЧIахIиял, гIисинал – батIалъи гьечIо.
Чачанал, гъалгъеял ва осетинал
Бусурбаби, бице гьаб балагь щиб жо?

Исралъе щиб телеб нилъеца нахъе,
ЦIадулал рагьалищ, я тушманлъийщ?
Исралъе щиб телеб, бачIинеселъе,
Биялъ хъвалел ругел гьал тарихалищ?