Гьаб тIаде гIунтIулеб ихдалил байрам
РакI-ракIалъ баркула кIодоги гьабун.
ЗахIмат-свак лъаларел, хIалхьи лъаларел
ХIалимал, берцинал нуж руччабазда.

Руччаби, руччаби, жеги руччаби,
ГIумру берцинлъизе рижун руго нуж,
Къварилъи-гIатIилъи хIурлъунги къулчIун,
Кинабго хIехьола зулму-хIал кIочон.

ЦIакъго гIемерлъаги гьал байрамалги,
Журай абе ракIал нилъер цоцазухъ.
Биччанте ракълилаб дунялалда тIад
Ханлъи гьабун чIезе цоцазухъ адаб.

Гьарула нужее халатаб гIумру,
Махх-чаран гIадинаб чорхое сахлъи.
Гвангъе абе нужей кир щваниги бакъ,
РукIа абе тIолго нуж талихIаллъун.