ХъинтIа-митIир, хъинтIа-митI –
Хъвалеб рагIула пандур,
Рохалийги гьаб хъвала,
Къварилъабалъ гьаб хъвала.

Гьалда кIиго чIчIва буго –
Рохалилгун ургъалил, -
Лъимер гьабидал хъвала,
Хабалъ унелъ нахъ тола.

Бертабалъ копой хъвала,
Кьалулъ хонжрохъ хисула, -
Хонжрода аскIоб гьанже
МагIида далун буго.

МахIмудица гьаб хъвана,
ХъамалчагIаз лъукъана.
Лъукъанин, чIванин абун
Гьалъул гьаракь къотIичIо.

Кереналда цIа гьечIес
МагIида далун гьеб те.
Кьалул кучIдул ахIулес
БукIаралъуб гIодоб те.