Умумуз дун борчана
Чабхъад унел къояца.
Гьанже чабхъенал гьечIо,
Лъалинибго кьижун те.

МагIида бан букIаго
Дица квен гьаруларо,
Копоего бахъизе
Дун берцинай яс гуро.

Дун къватIибе бахъуге
Мун бахIарчи ватани,
Бахъун лъалиниб лъоге
БагIар бид белъинчIого.

Шамилица Дагъистан
Дир балалъин цIунараб.
Мун цIукIаялъ кидаго
Гъалдиберал руцIула.

Диргун гьудуллъи ккоге
Цо пандуралъ гурони,
Нижер магIида аскIоб
Цогиязе бакI гьечIо.