Нижер кверахъ балагье –
Цадахъ щибго босичIо,
Бикъарабгун хъамураб
Хабалъ кинго биччачIо.

Къаси кватIараб гIужалъ
ГIенекке гьал заназухъ:
Цоял гIодулел руго,
Цоял гьимулел руго.

Хабал рагIалда бугеб
Заниялъухъ балагье, -
Дуйги гьадабго зани
Кинабго дур бечелъи.

ЧIахIиялгун бахIарал,
ХIисаб гьабе, кIочонге,
КIудияб мина бугин, -
Нужги нижги хIебтIичIо.

Ниж бахIарго рукIана
Гьеле жакъа нуж гIадин –
Нижеда гьикъичIого
КъачIан батана гьаб рукъ.

Кинан вугев жакъа мун,
Росулъ тарав дир гьудул,
Дир хабаде вачIине
ЧIухIун ватила, лачен.

МухIамад мун кин вугев,
Квешаб гIамал тун бугищ?
Мун тайпадуй гьанибги.
ГьечIо, гьудул, эркенлъи.