Абдулбасир, вахъа цо лахIзаталда,
ХIажат бугин дургун военкомасул.
Медаль бачIун бугин Афганистаналъ
Аманатги гьабун духъе кьейилан.

Дур гьунарал баркун бачIараб медаль,
Кодоб кинан кьелеб эбел-инсухъе?
АнцIила микьиде ракьулъ вуссарав,
КIалъай кин гьабилеб гьаб митингалда?

Баркала кIудияб, Харалов СагIид,
Дагъистан чIухIарав вас гIезавидал.
ГIумру даимлъаги Аминатие,
ГIабдулнасирие тарбия кьурай.