Дун щай балагьулей рагьун бералгун
Дур чIухIараб чорхол чара холедухъ,
Хивалаз щай дуда аскIое цIалей
Къойил цогидалда къвал бан вугев духъ.

Къимат щай цIикIкIунеб мун къвакIанагIан
Къойил аскIов ахIун дуде чучизе.
РакIалъ кин ахIулев мун вокьулилан
АхIиялда гьоркьой цойги йикIаго.

Къварилъараб ракIги унтараб черхги
БухIизе щай толеб йокьун ятани,
Щай аскIовги вачIун рагIи абичIеб,
Вокьулин ахIулеб гьаракь дагьлъизе.