Дур берзул канлъиги канаб цIвайилан
Бицунеб рагIиги рекIел тIегьилан,
АхIулеб гьаракьги цо дур гьимиги
Дие гIумруялъул канлъилъун буго.

Каранде къан бугеб тIугьдузул квацIи,
Бикьун дуца кьураб дир гIумру буго,
АхIун рагIулареб бицун щолареб
Дир рекIелъан араб духъ рокьи буго.

Кьурабазул хIинчIги гьезул гьаракьги
Дица духъ битIараб саламилан те,
Араб гIумруялъул къваридал къоял
РикIкIада хутIанин духъ рокьи ккедал.