РекIел чIухIи чIалгIана
ЧIаголъи аскIоб цIана,
Рокьул цIураб черхалда
Къвал базе хивал лъуна.

Хьулазул цIураб таргьа,
КIал рагьун аскIоб цIана,
ЦIияб гIумру бокьана
Кьал рикIкIад рехун тана.

Мун дие вокьулилан
Дуй рекIел хIал чучила,
Къилбаялъул цIвайилан
РакIалъ дур цIар ахIила.

ЧухIдае хьвадиларо,
Хьулал цохIо духъ тела,
Мун дир къисмат вугилан
ХIурмат дуе гьабила.