Цо гIолилав вихьула хьулаца вачун унев
ХЪахIил зодихъ накIкI гIадин гьороца вачун унев.
ГIумругун кьалги ахIун хIохьел бахъизе кIвечIев
Цоцацаги рехъерхъун нухал рахунел ругел.

Цо гъотIода кIиго тIегь кIийихъ бикьизе буго
КIиго гъотIол цо гIаркьел цоясул къвалакь бугеб.
Цо сордо аскIоб бани цогияй рекIелъ йигев
Сурмияб микки буго кIигоялъ беэдулеб.

КIигояй сверухъги тун сверулев цояв вуго
Цоялъ аскIов ахIани цогидай кIочон тола.
КIиго лъади цохIо рос сабру хварал руччаби
Рачун кIигоясе ун дунял гьабун хьвадулел.

Хьолбохъ росгун кIусизе сагIат гIола гьазие
ГIумруялъулъ бащалъи бикьун кьола цоцазе.
Цо нухалъ вихьаниги анкьие гIола гьазий
ГIакълу бугел бихьинал реэдула руччабаз.