Къаси сардил гIужалъ кьижун йикIаго
ХIеренаб гьаркьица тIуркIизаюна.
Мун кьижунищ йигей макьу щолебищ
АхIун гьаракь щвана дир хириясул.

ХIеренаб бусаде хIалхьунги егун
АскIов дун гьечIого щолебищ макьу?
Макьилъ щиб бихьараб дун рикIкIадги тун,
ХIалхьи гьечIел нухаз дун хьвадулаго.

Хьолбохъ гIодов чIезе дуе щив щварав,
Щулияб дур рокьи дир рокьиги тун?
Мун лъиде къочулей къаси сардида,
Духъ гIашикъаб дир черх рикIкIад букIаго?