Гьуинаб каламалъ божараб ракIалъ
Бикьун дие щвана цохIо цо гIишкъу.
Берцинал рагIабаз гIадал гьайидал
ГIамал хисун ккана каранде унти.

Кьерилазда гьоркьов гIамал рекъарав
Дур хасият бокьун квегъана хиял.
Квер бегьун босизе рес гьечIеб тIогьол
Лъел къатIра щвечIого ракъвана кьалбал.

БухIулеб черхалъул чара хвелалде
Ячун каранде къай къо хисилалде.
Дуца рухIги босун бусной холей дир
ХивалгIаги гьабе йокьун йикIанин.