ХIанчIи чIичIидула чIалгIен ахIула,
ЧIобогояб рокъой къварид йигилан.
КъотIной гьороцаги цIалей йиго дун
ЦIумур гIадин рекIелъ рокьи бугилан.

Мунгун дандечIвараб къокъаб замана
Къваридаб сагIтазде буссинабураб.
Бицараб рагIулги щвечIо рагIаллъи
Авао гьечIебищ гьаб гIишкъу букIараб.

Зобал цIураб цIад бан цIалтана керен
ЦIоралъул гьурилъун мун данде ккедал.
Каранде рокьул гIор чваххулеб буго
Чидар къвалакь бугеб мокъокъги бокьун.