Дие кумек гьабе зобазуд цIваби
БарщичIого гьудул рикIкIалъун вугин.
Зодихъе хьвадулел накIкIазул гъуни
Гъугъан цIадгIаги бай гьудул виччизе.

Гьорол чу битIила мун сверун чIаян,
РикIкIад арав гьудул рокъов вуссине.
ГIазу хехго баян гьарула ракIалъ,
Дунял цIоронилан мун тIад вуссине.

ЦIорораб сардида дун гIенеккула,
Дир нуцIида дуца кIутIилин абун.
КъватIиб цIорой бугин нуцIби рагьеян
Дирго хириясул гьаракь рагIизе.