АнцIила щуго сон тIубаралдасан
ТIубачIеб доб мурад букIана рекIелъ.
РикIкIада букIараб доб гIолохъанлъи
Жакъасеб къойилан буго сверулеб.

Йохъ, дун божуларо гIумру анилан,
ГIумруялъги рачун санал анилан.
Сурмиял беразде канлъи букIаго
РекIелъ гIишкъуялъул чвахула гIорал.

Ун рукIайин абе дол санал, къоял.
ГIишкъу лъугIиларо гьаб дир рекIелъа
КIочон букIа абе къваридаб заман,
РекIелъ жеги жугьаб буго жунулеб.