Цо нухлул сапаралъ цадахъ унаго
Сурмияб миккиялъ хьвагIана кваркьи.
Цо мунгун кIалъазе бокьун бугилан
Абуна кIутIбуца дихъги балагьун.

Рицана берцинал рокьул рагIаби
Рукьбазде цIаги лъун дун юхIуледухъ.
Шурана кIутIбуца дир хирияйин
ТIугьдузул квацIиги дир каранда лъун.

ГIумруялъ рагIичIел гьал рагIабаца,
Керен дир бухIана бицарабщиналъ.
ГIенеккана дир ракI дуде божигун
Анищаз квелъ бана дир керемалда.

Абуна дир ракIалъ кIулалги рагьун
Мун дие вокьулин мугIрузул ритIучI.
Гьедана дир гIишкъу цо дуе бугин
Кинабго дир гIумру цохIо дулъ бугин.