Духъ гIишкъу бергьанин дунги хвеларо
Хал гьабун восила цоги мун гIадав,
Дуца танин абун дун туриларо
Таралщинал ясал чIаго ругелъул.

Дир адабги рехун цойги йищарав
Щущахъ агийилан тела дица мун.
Дир хIалхьи босизе рикIкIада чIарав
ЧIухIун дунги хьвадун вихьиларо мун.

Дир ракI унтаниги рухI босаниги
ТIокIалъ дур бадие дун юссинаро.
Сунареб цIа рекIун дун юхIаниги
ЮхIун хабалъ ина мун цIехеларо.