Лъудби гIемеразде ракI дир бухIула,
КIийихъ ракIги бикьун гIумру гьабулел
ГIишкъу рекIелъ бугел рикIкIадаги тун
Руччабазул базар кодоб босарал.

Цо ячун цо йиччан дармида вугев,
Дуда ракI гурхIилин кин дуда ккараб,
ХIалихьалъиялъул къаникье вугев
Рокьи духъ ккелилан хIинкъийищ ккараб.

Лъудбузул базарган мун вокьаниги
Дургун рокьиялъ дий талихI кьеларо
РакIалъ ахIаниги хIисабалъ босун
Хъвараб кагъаталде дун къулиларо.