Родом из селения Новосаситли. Дата рождения 3-го декабря 1979 года.
Окончил полный курс Новосаситлинской средней школы с 1986 – по 1996гг.
Закончил Сирийский университет "Фатхул- Исламийя".
Умер 25.12.2007 г. в возрасте 28 лет.

Хафиз Корана – не просто человек, выучивший наизусть Священную Книгу, а он является носителем божественного слова, хранителем смысла и заложенного в нем знания до самого Судного дня. Посланник Аллаха (мир ему и благословение) говорил: "Для всего есть свой предмет гордости, и истинно – честь и гордость для моей общины – это Коран".

ХIафиз, Арсланбегил ГIабдула хведал гьабураб магIу.

МугIрулги ракъвала бакъул хIал ккани,
ХIафиз къаникь лъедал къулана кьибил.
ГIурччин хер бухIула тIад саву ккани,
Сабру кин гьабилеб дур гIагарлъиялъ?

Дуниял урхъарал васал камидал,
Кереналда бухIи хIаллъулеб буго.
ГIелмуялъул ралъад ракьулъ вукъиндал,
Къоял рахъанагIан бакIлъулеб буго.

"БечIчараб рахьалда бахьинлъи щвараб",
Надида гIетI байдал гIодичIищ лъади?
Бахьинаб гьурмадул кьер босулелъул,
Сабру кин гьабураб гьалмагъзабаца?

КъутIбу чучулелъул чорхол яхI хвечIел,
Чармилдай рукIана дур кIиявго вац.
Берзул канлъиялда квас-квас тIупидал,
Керен турун хвечIей, хваги тIулил яц.

Дур чергесал лугбал сукIулеб мехалъ,
Сверухъ валагьичIищ эмен вихьизе?
Дуниял бихьизе гIащикъал бераз,
ЛъикIго хал гьабичIищ дур валадасул?

ИчIго лъимерги хун бухIи бихьарай,
ГурхIичIев щай хIафиз мун эбелалда?
АхIмахъ хIажи вукъун къварид йикIарай,
КIодоэбелалъул ургъел щай ккечIеб?

Дуе гIелмуялъул каву рагьарав,
ГIабдурахIим щайих, щай къварид тарав?
Мухтар- шагьидасул рухIел тIагIинчIев,
Мударис ГIабас щай пашман гьавурав?

Мун хIафиз вахъиндал чIухIун вукIарав,
Абу ГIумар щайзе гIодила тарав?
Дуе вас гьавидал вохун вукIарав,
Щив гурхIилин тарав, вац Шамсул вара?

Кида бокьаниги хIалай ватулев,
ХIажи накълулъидал къоял рукIкIарав,
Берал къанщулелъул къаданив чIезе,
Къуват киндай гIуна Абул-Башарил

Мунни алжаналда лъугьун ватила,
Лъида божун тарав цо хутIарав вас?
ХIурулгIинзабигун хIалхьон ватила,
ХIафиз кисан щолев мутагIилазе.

Расуласул суннат чIагоги гьабун,
ЧIечIого цIалана дуца шаригIат.
ХIабибасул нухда АсхIабас гIадин,
ГIодоб течIо дуца къуръангун хIадис.

ЖамагIат гIащикъав гIелму камилав,
ГIарабустаналда хIафизлъи щварав.
ШаргIалде батухъе гIелмугин гIамал,
ГIажаибго берцин цадахъ бачарав

Дуца дарс цIаларал цIиюрзабазе,
Къираат камилав кив щолев устар?
МацIго бицуларев дур валадасе,
Вали кисан щвелев ГIали инсуе?

Дур къирааталъул къимат гьабурал,
Къварид щай гьарурал дуца ГIабдуллугь?
Къуръан хIадис тIокIкIун рекIехъе лъалев,
ХIафиз валагьизе ниж кире инел?

Ихдаде байдаби тIегьалел ругин,
ТIаде вахъинарищ вас гIун вихьизе?
ТIогьод росун ругин дур ахикь гъутIби,
Бухьинарищ сапар мадрасаялде?

Дуе кьураб гIумру гIадада течIин
Ахират лъикIаб кьун вохун ватаги,
Бихьараб хIехьезе хIадур вукIине,
Сабру кьеги дуе Асламбег хIажи.

Къуръаналда жидей алжан бицарал,
Руччабазул цояй йиго мун Зулпа.
ЩайтIан илбисалъул мугъал рекизе,
Иман бугеб сабру насиблъаги дуй.

Замзамул гIор щвайги гIатIитIракьалде,
ГIуламаал рукъун къварид хутIараб.
ГIарцул цIад баеги ЦIияб Сасикье,
Кьибилго чIухIарал васал рижараб.

АхIмаднабиев СайгидахIмад 2009 сон. ЦIияб Сасикь росо.