Щибаб къойил щущу как, тIадабин дуда бугеб
Базе дуда лъачIони чIобого мун хутIулев.
Хасго арканал какил, гьелги анцIила лъабго
Лъан шурутIалги гьаре, гьелги анцIила кIиго.
КIалалъ мацIалъ гIарабалъ, гIакълуялъ магIарулалъ
Таъвилал рекIелъ цIунун, базе кколеб дуца как.
Какилъ мугIрул гIалахал, воре дуца тируге
Толеб босулелъулги, пикраби жахIалго те.
Рокьи кьал нахъе гьабе, Аллагь ккве дуца рекIелъ.
РакIалда гьев гьечIони, чIвалеб бадиб дур гьеб как.