Огь, магIарул пандур, панаб бакъан,
Пикрабалъ йосула гьеб рагIарабго.
ВачIун цеве чIола гIашикъав МахIмуд,
Муил гордода гъоркь бакъан тIамулев.

Хъурайсин тIагъургун, кьурун михъалгун,
Кьалде хIадурараб гъалбацI киниги.
Гъарим дир ракьалъул къварилъийилан,
Къвал бан чучанани бегьиларищан.

Нахъойги рагIула дий гIанхил Марин,
Мурадалде щвечIей, талихI бихьичIей.
КечI ахIунин абун кIал букъаниги,
Бидул цIураб кIалалъ ахIулеб сарин.

Огь, Эльдариласул къваридаб къисмат,
Къойил дир рекIеда зазлъун хIенчолеб.
Чагъиралде жубан кьолеб загьрудай,
Зигардулеб пандур дур гьел бакъназулъ.

АхIе гIолохъаби хIасратаб кучIдул,
Данде гIодизабун нилъер пандургун.
Нилъее уммумуз ирсалъе тараб,
Нилъецаги нилер лъималахъ кьелеб.