Танла, Пела, Элла хирияб Санухъ,
Сон дица тарарал таманал нухал.
Гьел руго гIагараб росдал кулаби,
Кидаго дир ракIелъ камизе гьечIел.

АжучIи, БиччичIи ва БехвалъучIи,
Боржуна дир пикру гьал сверабазде.
Цумлъун куркьбал хьвагIун,
цIодораб бералъ,
Балагьула даим гьаб бархалъуде.

Огь, араб гьаб замана гьадигIан хехго,
Халалъана нухал дир сапаразул,
Амма кий щваниги дир рекIелъ буго,
Бокьулеб дир ватIан, хирияб росу.