ЧIухIараб цIар бугеб ЦIумада район,
ЦIумазул улкаян ахIана дуде
ГIазулал тIогьалги,тIогьол мугIрулги,
Бахъараб суратин ракIалде ккола.

Зодил цIумал гIадал дир цIумадисел,
Намусги иманги ирсалье щварал.
Гьаниб меседалъухъ яхI бичуларо,
Гьудуллъи рехун тун тах босуларо.

Имам Шамилилги кьалбал гьаниса,
Бидулъго батараб гьаб кьурул къвакIи.
Аллагьасде буссун цIумадерил ракI:
Шайихзаби гIураб гIагараб ВатIан.

ЦIумадисезул цIар гIемер гIасрабаз
КIудиял гьунараз рагIизабуна.
ГIела тушманасул танкаги гьукъун
Къадица гьелда тIад гьабураб кьурди.

ЧIахъаги берцинаб цIумазул улка,
РацIцIадал цIорорал иццазул ВатIан
ЧIахъаги цIумада цIар арал васаз
ЦIумадисезул цIар борхатго ккураб.