Заман хисун гьечIо,
Нилъ хисун руго,
Сверухълъи кинабго
Чороклъун буго.

ВахIшилъи, ракI хъублъи –
Кинабго буго,
Жакъа дунялалда
Билълъанхъулеб жо.

Цолъи-гъунки гьечIо,
РитIухълъи гуро
ДагIба-калам буго
Киса-кибего.

ЧIвалел-хъолел руго
Диналъул вацал.
ГIарцухъ намус бичун
Бечелъун руго.

Дие бокьун буго
Гьаб дунялалда
ТIолго халкъул гIалам
Цолъун букIине.

Вацас вацги чIвалеб
Гьаб заманалда
ГурхIа мун, БетIергьан,
Мискин халкъалда.