КьижичIел сардазул саринал ахIун
Унел руго сонал сапаралъ рахъун.
Кьварарал къоязул къисаби цIалун,
Къокъунел руго гьел цересан паркъун.

МегIер, гIалах, гIорал, балеб гIарада
БукIинчIо квал-кваллъун кидаго дуе.
Гьаб бергьенлъиялде, беричлъиялде
Берал къапичIого къвакIун ана мун.

Къоял рахъанагIан, заман анагIан
Заман щвечIев «чIварав», чIаго вуго мун.
ЧIухIула дудаса, совет рагъухъан,
Рагъуй нухал къарав, рекъел цIунарав.