ЩвечIей Муи йокьун гIишкъуги бекьун,
Рокьул хурзал течIищ ХъахIабросулъес.
Цо Бекьилъа ясан– панаяб хIухьел
Паналъун къанщичIищ гIешдерил гIащикъ.

Дун хIикмалъун, йиго дур вокьулесда,
Дур рокьи лъачIого парахат вугев.
Дун гурхIулей йиго гьесул рекIеда,
Дур каранзул бухIи хIакълъизе лъачIев

Сабигат, сабурай дир магIарулай,
ГIеларищ гIодараб дур гIащикъаб ракI.
Къадруяб чIухIиялъ чIван урхъиги лъун,
РекIел анищазе сангар щай къалеб?

Борхизабе байрахъ рокьул гьундузда,
Инсан вокьунилан къадру холарин.
Хасалил бакъуца боркьараб керен,
Бокьараб ккагиян рагье, дир гьудул.

ГIумру бахиллъулеб балайги бахчун,
Рокьул бахчаялда хвезе къасдищ дур?
Къасдалълъ балъго тараб цо цIарги ахIун,
ХIасраталъул кIулал ричIе, хирияй.