Жакъа лъималазул бицун кIалъала
КIудияб чIалгIенгун урхъун йигилан.
ЧIалгIен буссизегIан аскIор рукIине
Нужой заман гьечIин абула ракIалъ.

КIудиял гIуниги роржун аниги
Добго бухIи буго бабал рекIеда.
Нужода къвалги бан аскIой кIусизе,
Бокьула къойилго нужор бабае.

Эбелалъул ракIги гьелъул бухIиги
БухIун тIагIулареб урхъи букIула.
Рихьизе бокьараб хьул буссунареб
Эбелалъул рокьи букIуна нужохъ.

Эбел кIочон тоге кIудиял гIунин
Эбел херлъаниги санал аниги.
Саназ цадахъ тола нужер бухIиги
Гьедин рекIелъ цIуне улбул нужеца.