Гьанже гIумруялъул къварилъи бицун,
Къокъаб хабаралда гьеб тIубаларо.
Кинабго бицине ккараб къисадул
Къокъал мухъаз жаниб гьеб бачиларо.

Мун лъикIав вугилан кагътида хъвани
Мухъал цIалулаго цIорола керен.
ЦIакъав чи ватизе гьаб дунялалда
ЦIакъго захIмат буго жакъа къоялда.

ЛъикIлъи гьабуравги квешлъи хъваравги
ХъахIаб кагътида тIад хIехьолеб буго.
ХIал щун ургъаравги гьерсал хъваралги
КIиясулго гIумру цо мухъилъ буго.