Хивалазул гIораз духъ хъамуниги,
Абиларо рагIун мун вокьулилан,
Кьалбал ракъванагIан тIегьалел гъутIби,
ТIутIун унеб тIамах – тIубачIеб рокьи.

Бихьулареб канлъи – гIолареб хинлъи,
Хал гьабун цIехолеб ЦIоралъул гьури,
ЦIалей дун рекIеца дуда къвал базе
Дир гIумрудул къисмат цо мун вугилан.

Гьарулеб рекIеца кIулалги ричIун
КIал-мацI цIорозегIан дур цIар ахIула.
Абула хиялаз хехго щвайилан
Каранзул каваби рагьун ругилан