ХIанчIи чIичIидула, чIалгIен ахIула,
ЧIобогояб рокъой къварид йигилан.
КъватIий хиялаца цIацIалей йиго
ЦIумур гIадин рекIелъ рокьи бугилан.

Мунгун данде чIвараб къокъаб замана
Къваридал сагIтазде буссунеб буго.
Бицараб рагIулги щвечIо рагIаллъи
Гьороцаги хъамун ячун аниги.

Зодоса цIадги бан цIорона керен
ЦIоралъул гьурилъун мун данде ккедал.
Каранде рокьул гIор чвахулеб буго
Чидар къвалакь бугеб мокъокъги бокьун.