Мун гIемер чIухIуге дир гIумро анин,
ГIолохъанлъи цIакъго хехго тIерхьулин.
Диде велъанхъуге санал цIикIкIанин,
Саназул гьаб мали щивас толеб жо.

ГIолохъанго вугин гIишкъу мерхьуге,
ГIишкъуялъул гIораз хъамизе гурин.
Мун чIухIун хьвадуге дун хисанилан
Хисун унеб бугин гIолилаб гIумру.

ГIаданлъи чорхолъгун къимат цIунарал,
Къадруял дир къоял цIунун те рекIелъ.