Сапаралъул нухаз сверун ячIаян
Щвана дихъе рогьел дир хириясул.
Нилъер арал къоял ракIалде щвезе
Цо дуда бер чIвазе бокьун бугилан.

Дуца каранде къан къимат гьабураб
Къоязул сагIтаца ахIулей йиго,
Сордо сверилалде духъе щвелилан
Йиго дун сапаралъ гIедегIун уней.

КIиялго данделъун заман инелде
Дун ине кколеблъи щвана ракIалде.
РекIелъ гьаб гIишкъугун ратIалъун ине
КIвелебдай хирияв нилъ кIияздаго.