Дун йиго гIодулей чвахун магIугун,
Чидар къвалакь бугеб къисматги бокьун.
Гъваридал пикрабалъ буго дир керен
БукIараб доб гIумру ракIалдеги щун.

Буго гьаб дир гIумру гIорлъун чвахулеб
Чу рекIун аниги хадуй гъолареб.
Хириясул рекIелъ цойги йикIиналъ
КIолеб гьечIо дида дуде чучизе.

Доб гIолилаб заман дуе рухI кьураб
Жакъаги рекIелъе буго жунулеб.
ЦIадул кор гIадинан буго каранда
Хириясул бераз цIа бакун тедал.