Гьайбатаб черхалда чалухал берал
Цо дуде къвал базе кьеларищ изну.
Кьер гьурмал хисичIей заман аниги
Къимат дур цIикIкIана, берцинай гIадан.

Сонал свераниги свинчIеб гIищкъудул
АхIула мун ракIалъ берцинай гIадан.
Цоцадеги руссун рокьул бицизе
Дун аскIове ахIе, берцинай гIадан.

ГIумруялъул нухаз сверун унаго,
Дир берзукье карай берцинай гIадан,
Мунилан угьдулеб керен бихьизе,
АхIула мун ракIалъ, берцинай гIадан.