Цее дун йикIана гьитIинай гIадан
Абурабщиналде божилъи лъолей,
Дир божараб керен квер хьвагIун тедал,
Щулалъана керен, гIумруги бихьун.

Борхьазул магъилъе квер ккун ячиндал
Рокьул цIа каранда бухIун тIагIана.
ТIолабго дир гIумру буссун сверана
Сверухъ бугебщинаб хIалихьалъиялъ.

ХIалихьатал чагIи чилъи лъаларел,
Чода рекIаниги гьечIо гIаданлъи.
ГIор бахун лъедарал щола магIарде
ГIумру гьесий щола ракIалъ бищараб.

ГIел бащадал васал бицун кIалъала
Гьасул гIумруялда жал бахиллъулин.
Жодор гIумруялъул къимат хванагIан
Къойил къотIнор рахъун руго гьекъолел.