ГIумру доб букIана рикIкIадал къояз,
РекIелъ цо мун вугеб рохелгун цадахъ.
ЙикIана дун цее дур берзукь тIегьлъун
ТIун каранде къараб тIогьол квацIилъун.

Бицулаан дие берцинаб рагIи,
Каранде дунги къан гьаб гIишкъуялъул.
Хъвалаан кагътида гьаб рокьул хатIалъ
РекIел урхъиялъул цо дуде бугеб.

Чорхол хIалхьи босун дун соролаго
Сариналде босун ахIана кочIолъ,
Абулаан дица духъги балагьун
Дие мун вокьулин рухIалдасаги.