Бакъул нур бахчулеб гвангъараб гьумер
РикIада щай чIолев дир чара хвезе.
МоцIрол канлъиялъул къимат босарав
Къай вас дун каранде дур хинлъи лъазе.

Хирияйин абун щай ахIулареб
Унтараб гьаб керен сахлъизабизе.
Мунан угьдулеб ракI гIодоб бусине
Абе йокьулилан цо нухалъгIаги.

Мун дие щвечIони гIумру кIваричIин
АхIи балеб дир ракI рагIулареб кин
Каранда рокьул цIа дуца бакидал
ЕчIазе щай толей харилъ тIегь гIадин.