Борхатаб магIарде тIадеги яхун
Щай доб лъакI цIехолеб цIидасан яхъун.
КIочон тун букIараб хирияб тIалъи
ТIабигIаталъ гьанже щайдай ахIулей.

Мун жанив вижараб жакъа хьвадулеб
Гьаб мугIрузул росо щайзе бокьулеб.
Доб дун жаний гIураб гIелму малъараб
КIочон тун букIанин арал сонаца.

Жакъа ахIиги бан кие дун иней,
Доб мугIрузул тIогьиб ТIинди росулъе.
Дир лъалкIал хутIараб росдал къватIазда
ЦIидасан хьвадизе щайзе бокьулеб.

Доб дир инсул росу, гIагарал нухал
Дуца рахулилан щайзе дун цIалей.
Квер дир гIунтIулареб борхалъиялде
Мун щайзе вахараб дун рикIкIадги тун.