Жакъа керемалъул щиб гIайиб ккараб
Дуца кверги хьвагIун дун гIодой тезе.
ГIишкъуялъул гIорал рекIелъ чвахидал
Чидар азбаралде мун щай сверулев.

Щайзе дун ячарай гьаб рокьул нухалъ
Хивалазул гIоралъ ехе хъамизе.
Къадаралъул къуват кодоб бугев мун
Кьварун щай кIалъалев дир къимат хвезе.

РекIел кIулал ричIун мунго вачIарав
Гьанже нухда дунго щайзе регIулей.
Чорхол къимат борхун карандеги къан
Щайзе абулареб дун йокьулилан.

Рукьбазде цIа лъураб цIоралъул гьури
Буранлъун дир рекIелъ буго сверулеб.
Сабру дир босараб самаалъул накIкI
Щайзе дун тIамулей накIкIулъ йортизе.