Мун жакъа сверулел саяхъал нухаз
Дун щайзе цIацIалей рекIел къасдаца.
ЦIороялъул унти рекIелъ букIинчIин
Хасел тIад щвечIого щайзе цIоролей.

РоцIцIараб зодисан цIад балеб гIадин
Чапун гIетI щай балеб дуда бер чIвайдал.
ЧIегIерал беразул кунчIиялъ ячун
Сардилъ щай къокъулей нух гьечIелъуе.

Кверде буссунареб зобалазул хIинчI
Сун анин дир канлъи бер чIван вихьидал.
ЧIалгIеналъул нухда дунги рехун тун
Мун мугIрул тIогьиве тIерхьулев щайзе.