Дун магIарде ана, щобде яхана,
Хивалазул нухал лъабцIул рорцана.
Дур сипат цIехана цIалун бицана
ЦIар кIочон течIого гIумру боржана.

РекIел гьудуласде салам бицеян
Берда рихьаразде гьарун букIана,
ГIухьбузда гьикъана, щобда сверана
Свакан гIодой ккана дур лъакIги цIехон.

Дур цIурмилаб гьаркьихъ гIенеккулаго
РекIел кIутIиялда печат чIван тана,
ЧIалгIен рещтIараб ракI буссулеб гьечIин
Доб гьайбатаб гьаракь рагIизе бокьун.