Гьаниб гIурчинаб тIалъи зодобе балагьараб
Гьелда гъоркьан ризаб рохь хIалхьул чундул гIемераб
Гьаниб кибго pari араб нартазул даруяб лъим
Гьанир мугIрулгун шобал бакъуца ицал кунчIун

Балагье гьаб берцинлъи гьавадулги бацIцIалъи
Унтаразе дару ял хурдуз тIегьан авлахъал
ХIалхьоларо дирни ракI Инхокъвари гIадинан
Камураб нигIмат гьечIеб дирги ватIан буго гьеб

РачIа нуж росу цоял гьаб гIагараб ракьалде
Умумузул рукъзазул чIваднал рихьун гIодизе
Инсул росу кIочарал иман дагьал абулин
Чияр бакIги нилъее чидараблъун хутIулин

ЧIаго гьаре риххарал умумузул минаби
Хварал нилъер улбузул pyxlan рохун рукIине
РукIанин гьанир чагIи цолъи росулъ цIунарал
Босе гьездасан мисал заман чарлъун кканиги

ХIакимльигун буголъи хIалалаб тIалаб гьабе
ХIарамаб яшавалда баракат букIунарин
Аллагьас нужоего алжан насиб гьабизе
РитIухълъиялда хьвадун лъикIаб цIуне цIар росдал